Fitacciyar jarumar fina-finan Hausa, Hannatu Bashir, ta bayyana wani sirri da ya ɗauki hankalin mutane. A wata hira da aka yi da ita, ta ce ba ta taɓa yin soyayya da wani jarumi a Kannywood ba. Duk da cewa ta daɗe tana aiki a cikin masana’antar, bata shiga soyayya da kowa daga cikin jaruman ba.
A cikin amsar da ta ba da, ta ce:
“Ni ban taɓa soyayya da wani jarumi a Kannywood ba. Sai dai mawaki El-Mu’az. Shi ma Allah ya yi masa rasuwa.”
El-Mu’az dai yana ɗaya daga cikin fitattun mawakan Hausa. Ya shahara da wakokin soyayya da fina-finai kafin rasuwarsa. Hannatu ta bayyana cewa shi ne kaɗai mutumin da ta taɓa soyayya da shi a cikin duniya ta nishadi.
Shin zata iya auren jarumi daga Kannywood?
A yayin tattaunawar, an tambaye ta ko tana ganin zata iya auren wani daga cikin jaruman Kannywood. Ta amsa da cewa:
“Ban sani ba ko zan auri ɗan Kannywood. Allah ne yafi sani, kuma shi ke tsara komai.”
Ta nuna cewa komai na rayuwa tana barin sa a hannun Allah. Wannan ya bayyana irin tawakkali da riko da addini da jarumar ke da shi.
Ba soyayya, ba alaka ta sirri
Duk da cewa tana aiki da jarumai da dama, Hannatu ta tabbatar cewa ba ta da wata alaka ta sirri da su. Ta kiyaye mutuncinta da zamantakewar aikinta. Wannan ya nuna cewa kasancewa a cikin masana’anta ɗaya ba yana nufin akwai soyayya ko alaka ta musamman ba.
Tana fatan samun miji nagari
A ƙarshe, Hannatu ta ce tana da burin rayuwa mai kyau. Tana fatan samun miji nagari – ko daga Kannywood ne ko ba haka ba. A cewarta, komai yana karkashin ikon Allah.
Wannan furuci nata ya kara janyo mata girmamawa daga masoyanta. Hakanan, ya bayyana kyawun halinta da yadda take rikon mutuncinta a masana’antar.
