Wasu majiyoyi daga cikin Old Trafford sun bayyana cewa shugabannin Manchester United na nazari kan makomar kocin ƙungiyar ɗan ƙasar Portugal, Ruben Amorim. Kocin mai shekaru 40 na iya yin murabus kafin a kai ga matakin korewa daga aiki. (iPaper)
A bangaren kasuwar canja wurin ƴan wasa kuwa, Tottenham ta shiga jerin kungiyoyin da ke sha’awar ɗan wasan baya na Crystal Palace, Marc Guehi, wanda ɗan Ingila ne mai shekaru 25. (CaughtOffside)
Haka kuma, ɗan wasan tsakiya na Real Madrid, Federico Valverde, ɗan ƙasar Uruguay mai shekaru 27, ya kasance cikin jerin manyan ƴan wasan da Manchester United ke zawarci a bazara mai zuwa. (Fichajes)
Baya ga hakan, kocin Tottenham, Thomas Frank, na da sha’awar ɗaukar ɗan wasan bayan Brentford, Nathan Collins, wanda ɗan Jamhuriyar Ireland ne mai shekaru 24. (TBRFootball)
A gefe guda, ɗan wasan tsakiya na Tottenham, Rodrigo Bentancur, ɗan ƙasar Uruguay mai shekaru 27, na daf da rattaba hannu kan sabuwar yarjejeniya da kulob ɗin na arewacin Landan. (Football.London)
Daga Barcelona kuma, ɗan wasan tsakiya mai hazaka Dro Fernandez, mai shekaru 17, ya bayyana cewa ba shi da niyyar sauraron kowanne tayin daga ƙasashen waje. Duk da haka, manyan kungiyoyi kamar Arsenal, Chelsea da Manchester City na nuna sha’awar zawarcinsa. (TBRFootball)
A ƙarshe, Fulham na shirin daukar ɗan wasan Middlesbrough, Hayden Hackney, ɗan ƙasar Ingila mai shekaru 23, domin ƙara ƙarfin tsakiyar filayenta. (Football League World)
