Ana shan zobo a ko’ina a Najeriya, musamman a lokacin zafi. Amma tambayar da ke yawan tasowa tsakanin mata ita ce: Shin shan zobo yana iya hana daukar ciki?
Masana sun bayyana cewa zobo, wanda ake yi daga ganyen hibiscus sabdariffa, na dauke da sinadarai masu amfani ga jiki kamar Vitamin C da antioxidants. Duk da haka, akwai wani ɓangare da ya shafi mata musamman.
Abin da bincike ya nuna
Binciken masana ya tabbatar da cewa:
- Zobo na iya motsa mahaifa (uterus contraction), wanda ke iya kawo barazanar zubar da ciki ga mata masu juna biyu.
- Babu hujja kai tsaye da ke nuna yana hana mace samun ciki gaba ɗaya, amma shan shi da yawa na iya tasiri ga tsarin haila da hormones.
- Wannan yasa masana ke gargadi cewa mata masu ciki ko masu shirin daukar ciki su guji shan zobo da yawa.
Fa’idar da ake samu daga zobo
- Rage hawan jini
- Inganta narkar da abinci
- Kara kuzari da sinadarin Vitamin C
Sai dai duk fa’idar na bukatar a sha daidai gwargwado.
Shawarar likitoci
Likitoci sun bayyana cewa:
- Mata masu ciki, musamman a watanni na farko, su daina shan zobo gaba ɗaya.
- Waɗanda ke shirin daukar ciki kuma su rage shan sa don guje wa matsala.
- Shawara mafi kyau ita ce a tuntubi likita kafin ci gaba da shan shi akai-akai.
Shan zobo ba hujja kai tsaye ce da ke hana mace daukar ciki. Amma saboda tasirinsa kan mahaifa da haila, masana sun ja kunnen mata cewa a guji shan shi da yawa, musamman ga masu ciki.
